Posible nga ma-deklarar bilang Persona Non grata sa Coron, Palawan ang vloggers nga sanday Rosmar Tan kag Rendon Labrador.
Nahibaluan, nagpadulong sanday Rosmar kag Rendon kaupod ang pila pa ka mga kapwa vloggers sa Coron, Palawan para kun tani sa isa ka charity event sang tinalikdan nga Biyernes, Hunyo 14, 2024.
Sa video nga nag-viral online, makita ang pagsugod sang grupo nanday Rosmar kag Rendon sa mismo nga opisina sang alkalde sang Coron, Palawan agud nga kumprontahon ang isa ka staff sang munisipyo kun sa diin gina-alegar ginpakahuy-an sila online.
Gintambongan sang nilibo ka mga residente ang nasambit nga event nga nagalaum makakuha sang grocery pack kag cash, apang sa pagdagsa sang pumuluyo wala na makabaton ang pila sa mga residente.
Bangud diri, nagpangayo naman sang pasaylo sanday Rosmar kag Rendon kaupod ang ila grupo sa mga pumuluyo kag miyembro sang LGU Palawan sa natabo nga komosyon.
