Nagtaliwan na ang Hollywood actress nga si Daveigh Chase sa edad nga 35-anyos.
Ginkumpirma sang iya nobyo nga si Roy Hernandez ang pagpanaw sang aktres bangud sang meningitis, isa ka seryoso nga impeksiyon nga makaapekto sa utok kag spinal cord.
Sa mga report, pila ka semana nga nagpabilin si Chase sa isa ka balay-bululngan sa Los Angeles samtang ginabulong sang mga doktor.
Bangud sa iya balatian, nakabatyag siya sang mabug-at nga komplikasyon nga may kaangtanan sa septic infection, nga nagresulta sa paglala sang iya kondisyon kag pag-deteriorate sang nagkalainlain nga bahin sang iya lawas.
Nakilala si Chase bilang tingog sang karakter nga si Lilo sa sikat nga Disney animated film nga “Lilo & Stitch” sang 2002.
Dako ang iya kontribusyon sa kadalag-an sang pelikula nga padayon nga ginapalangga sang mga viewers sa bug-os nga kalibutan.
Nangin kabahin man siya sang English-language cast sang animated film nga “Spirited Away,” nga ginakabig nga isa sa pinakabantog nga obra sa animation.
Luwas sa voice acting, nakilala man si Chase sa iya karakter bilang si Samara Morgan sa horror film nga “The Ring” sang 2002.
