-- ADVERTISEMENT --
Ginkumpirmar sang Bar Standards Board (BSB) sang Britain sang Biyernes ang temporaryo nga pagsuspender kay Karim Khan, anay chief prosecutor sang International Criminal Court (ICC), bangud sang mga akusasyon sang sexual misconduct nga ginaatubang niya.
Suno sa BSB, epektibo gilayon ang suspensyon.
Sunod sini, paga-amyendahan ini sang isa ka Interim Suspension Panel sa isa ka hearing nga himuon sa sulod sang masunod nga apat ka semana, suno sa Enforcement Regulations sang BSB.
Madumduman nga nauna na nga ginsuspender sang ICC si Khan sang Hunyo 8 samtang ginapadayon ang imbestigasyon sa mga alegasyon batok sa iya.
Samtang, padayon naman nga ginapanginwala ni Khan ang tanan nga akusasyon sang sexual misconduct batok sa iya.
