Nagapati si anay Presidential Spokesperson Atty. Salvador Panelo nga indi pamahog ang kontrobersiyal nga video ni Vice President Sara Duterte sang Nobyembre 2024, sa baylo nga isa ini ka panawagan sa publiko para sa bulig.
Sa amo nga video, nagpahayag si VP Sara nga may nakaistorya siya nga tawo nga mahimo magpatay kay Pangulong Ferdinand Marcos Jr., First Lady Liza Marcos, kag anay House Speaker Martin Romualdez.
Suno kay Panelo, may yara sang kondisyon sa pahayag ni VP Sara nga nagapakita lamang nga nagapangayo siya sang bulig kag hustisya koun may matabo sa iya.
Ginpahayag man niya nga nagsugid lang si VP Sara nga may yara sang hulga sa iya kabuhi kag ginapangayo niya ang suporta sang katawhan.
Ginpresentar ang nasambit nga video ni VP Sara sang Nobyembre 2024 sa ika-2 kag ika-3 nga adlaw sang impeachment trial kag nahimo nga sentro sang akusasyon nga may kaangtanan sa grave threat nga kaso batok sa bise presidente.
