Nagpasikad ang Estados Unidos sang mas agresibo nga tikang sa Strait of Hormuz matapos ipahayag ni President Donald Trump nga ginmanduan niya ang US Navy nga pigilan ang mga barko nga nagabayad sang toll sa Iran.
Sa iya post sa Truth Social, ginpanindugan ni Trump nga dapat mangin hilway ang paglabay sa high seas kag wala sang dapat magbayad sang ginatawag niya nga iligal nga bayad.
Kabahin sang direktiba ang pagbalabag sa mga sakayan nga magsulod ukon magguwa sa strait kun ini nagasunod sa nasambit nga sistema sang bayad.
Dugang pa, ginpahayag niya nga sugdan sang Estados Unidos ang pagpanubo ukon pagpanguba sang mga mines nga ginbutang sang Iran sa lugar.
Nagpaandam man ang presidente nga handa magbalos ang US military kun may atake nga himuon ang Iranian forces batok sa ila ukon sa mga commercial vessels.
Ang tikang sang Washington nagapakita sang nagasaka nga tensyon sa rehiyon kag posible nga magdugang pa gid sang kabalaka sa seguridad sang isa sa pinakaimportante nga ruta sang kalibutan para sa oil trade.
