Nagpanawagan si US Secretary of State Marco Rubio sa Europa nga kay-uhon ang bisan ano nga kinagamo ukon indi pag-intindihanay sa tunga sang mga pungsod sang US kag pila ka mga lider sa Europa.
Ini nga pahayag nangin bahin sang pagkontra sang mga European leaders, ilabi na ang Denmark, sa plano ni US President Donald Trump nga kuhaon ang Greenland, nga teritoryo sang Denmark.
Suno kay Rubio, preparado ang Estados Unidos nga kay-uhon ang mga indi pag-intindihanay kag siguruhon nga magapadayon ang mabaskog nga relasyon sa Europa.
Ginpahayag niya nga kinahanglan tutukan sang mga lider sang Europa ang mga isyu may kaangtanan sa global nga seguridad kag ekonomiya, imbes nga magtuon sa mga kontrobersyal nga tikang kasubong sang isyu sa Greenland.
Dugang pa niya, indi nila luyag mangin dependent ang Europa sa Amerika, kundi luyag nila nga mabuligan kag magkaangay ang relasyon nga magahatag benepisyo sa duha ka panig.
