Nagpangibabaw sa 2026 Midterm Elections sa Estados Unidos ang pila ka kandidato nga nagrekord sang maragtas nga kadalag-an, lakip ang mga mangin una nga Muslim, Native American woman kag openly gay male nga magaserbe sa Senado sang pungsod.
Lakip diri si Abdul El-Sayed sang Michigan nga mangin una nga Muslim nga senador sa Estados Unidos.
Isa siya ka anay opisyal sa patag sang public health kag nagdalagan sa idalom sang Democratic Party.
Nagdaog man si Minnesota Lieutenant Governor Peggy Flanagan nga mangin una nga Native American woman nga magaserbe sa Senado.
Miyembro si Flanagan sang White Earth Nation kag kabahin sang progresibo nga paksyon sang Democratic Party.
Sa New Hampshire naman, nagdaog si Congressman Chris Pappas nga mangin una nga openly gay male senator sa maragtas sang Estados Unidos.
Samtang, nagrekord man sang kadalag-an si Annie Andrews sa South Carolina nga mangin una nga babaye nga mapili bilang senador halin sa amo nga estado.
Nagapakita ang mga kadalag-an nga ini sang pagdamo sang representasyon sang nagkalain-lain nga sektor sang komunidad sa politika sang Estados Unidos.
