Magapadala ang US military sang mga bag-o nga mga fighter jets sa Japan.
Suno sa US Defense Department, ini ang nagalab-ot sa $10-bilyon nga pag- upgrade nila sa ila pwersa sa pungsod.
Sa mga madason nga tuig, ipatuman ini agud mapabaskog ang alyansa sang Japan kag US agud mapatuman ang kalinong kag kahilwayan sa nasambit nga rehiyon.
Sakop sini ang 48 ka fifth generation F-35A fighter nga magabalhin sa 36 ka F-16s nga nakatala sa Misawa Air Base sa amihanang Japan, 36 ka bag-o nga F-15EX jets nga magabalhin sa Kadena Air Base sa bagatnan nga Okinawa nga magabalhin sa 48 ka lumang F-15C/D models nga una nila gin-kuha.
Dugang pa ginsiling sang Pentagon nga ila man kay-uhon ang mga nakapagkit nga F-35B aircraft sa isla sang Honshu.
Madumduman nga sang nagligad nga mga tuig, nangin mabaskog ang alyansa sang US kag Japan sa pag-atubang sa bisan ano nga hangkat gikan sa Russia, China kag North Korea.
