Ginkumpirmar sang White House nga napatay ang isa ka Pilipino nga seafarer sa pag-atake sang Houthi rebels sa bulk cargo carrier nga MV Tutor samtang nagalayag sa Red Sea sang Hunyo 12.
Ginpahayag ni US National Security Council spokesman John Kirby nga ang napatay nga Pilipino tripulante sakay sang M/V Tutor, isa ka Liberian-flgged, Greek-owned ship nga wala sang kahilabtanan sa natabo nga giyera sa Gaza.
Dugang pa sang US official nga kritikal man ang isa ka Sri Lankan crew member sa separar nga pag-atake sang Houthis sang Huwebes M/V Verbena nga isa naman ka Palauan-flagged, Ukrainian-owned kag Polish-operated ship.
Kaangot sini, ginkundenar sang US ang nasambit nga mga pag-atake bilang terorismo.
Samtang, wala naman sang kumpirmasyon gikan sa Pilipinas angot sa kamatayon sang isa ka Pilipino nga seafarer nga una na nga nareport nga missing matapos ang pag-atake sang Houthi rebels kag ginapatihan nga na-trap sa may engine room sang barko sang magluntad ang insidente.
Una rito, nasa 22 Pilipinong seafarer ang lulan ng inatakeng cargo ship kung saan 21 dito ay ligtas at nakauwi na sa Pilipinas nitong araw ng Lunes.
