Gin-anunsyo ni United States President Donald Trump nga ginmandu niya ang imbestigasyon sa dalagko nga oil companies bangud sang mataas gihapon nga presyo sang gasolina.
Ini sa tunga sang ginapangatubang man ni Trump nga kritisismo bangud sang epekto sang gyera sa Middle East.
Nagtimbuok ang presyo sang gatong sa bug-os nga kalibutan matapos ginbalabagan sang Iran ang pag-agi sa Strait of Hormuz sang mga barko nga nagadala sang langis bilang balos sa pag-atake sa ila sang US kag Israel sang February.
Suno kay Trump, wala ginapanubuan sang dalagko nga kumpaniya sang langis ang ila presyo bisan nga mas manubo ang presyo nga ila ginabayaran para diri gani ginatunto man nila ang ila mga customers.
Matandaan nga naghimo na sang inisyal nga kasugtanan ang US kag Iran nga nagalakip sang resumption sang oil tanker traffic paagi sa Strait of Hormuz gani ginalauman sang kadam-an nga mas maganubo na ang presyo sang gatong sa bug-os nga kalibutan.
