Nagapati ang defense ministry sang Taiwan nga ang ginpatigayon nga live fire drills sang China sa probinsya nga naga-atubang sa Taiwan ang indi lamang para sa tuigan nga drills kundi kalakip man sa pamahog sa Taiwan Strait.
Sa pihak nga kabahin ini sang regular na nga aktibidad kag paghanas sang China, indi madula ang posibilidad nga mas ginpasangkad sini ang pagpakita sang ila kapasidad sa inaway agud magserbe nga pamahog sa ila mga kasumpong ilabi na sa tensyonado nga Taiwan Strait.
Matandaan nga sang nagligad nga semana, nagpatigayon man ang China sang war games sa palibot sang isla nga ila ginakabig nga kabahin sang ila teritoryo, apisar nga hugot ini ginapamatukan sang mga Taiwanese.
Nahibaluan dugang nga mangin sa kahawaan, madugay na ginareklamo sang Taiwan ang masami pagsulod sang mga warplanes sang China sa ila teritoryo.
