KORONADAL CITY – Nagapanawagan ang iloy sang suspek nga nagbuno-patay sa isa ka lalaki nga nagtambong lamang sa birthday party sang co-worker sini sa Brgy. Carpenter Hill, Koronadal City.
Ginkilala ang suspek nga si Alvin “Tabi” Intoy, 31 years old, single, kag residente sang Purok Bagong Silang, Brgy. Carpenter Hill, Koronadal City nga gintudlo nagpatay kay Edgar Baliling Jr., 30 years old, may asawa kag duha ka kabataan nga residente sang Brgy. Libas, Tantangan, South Cotabato.
Sa eksklusibo nga interview sang Bombo Radyo kay Ginang Ma. Fe Brañairos, iloy sang suspek, wala siya naga-ekspektar nga himuon sini ang pagpamuno sa biktima.
Suno kay Ginang Fe, dapat nga magsungka na ang bata sini agud mag-mag-an man ang iya nga sala ilabi na nga may kabataan ang ginpatay sini.
Nahibaluan nga natabo ang krimen samtang nagakinasadya ang tanan kun diin ginpalapitan sang suspek ang biktima samtang yara sa video k machine kag ginbuno sang makaduha ka beses.
Gilayon man ini nga nagpalagyo matapos nga ginhimo ang krimen.
