Ginalauman sang probinsya sang South Cotabato nga makabaton sang kapin 30 milyon ka litro sang diesel halin sa iban nga mga probinsya agud masiguro ang igo nga suplay sang gatong sa lugar.
Suno kay South Cotabato Gov. Reynaldo Tamayo Jr., ayon ang pakig-angot sang iya talatapan sa nagkalain-lain nga mga supplier kag mga ahensya agud mapadayon ang pag-abot sang diesel sa probinsya.
Ginpaathag man sang gobernador nga wala sang kalain-lain sa presyo sang gatong sa South Cotabato kumpara sa iban nga mga probinsya, bangud ang pagpresyo sini nagasunod sa Mean of Platts Singapore ukon MOPS, nga amo ang ginabasehan sang presyo sang mga produktong petrolyo sa rehiyon.
Madumduman nga una na nga gin-anunsyar ni Gov. Tamayo ang plano sang probinsya nga direkta nga mag-import sang suplay sang petrolyo halin sa Malaysia.
Apang, sang nagligad lang, gin-anunsyar sang gobernador nga posible nga indi na ini madayon bangud sa kakulangan sang pila ka mga kinahanglanon nga dokumento kag permit nga ginapangayo sang Department of Energy ukon DOE.
