Ginapreparar na sang aktres nga si Kim Chiu ang posible nga pagsaylo sa legal nga proseso batok sa mga indibidwal kag online platforms nga nagapalapta sang indi matuod nga impormasyon batok sa iya.
Suno sa aktres, ginatun-an na sang iya legal team ang nagakaigo nga tikang agud mapanubag ang mga nagagamit sang iya ngalan sa pagpalapta sang fake news kag pagpanghilabot sa iya personal nga kabuhi.
Ginpahayag man ni Chiu nga dapat gamiton sing responsable ang social media kag indi ini himuon nga instrumento sa paglapas sang privacy sang iban.
Ginpahanumdom niya ang publiko nga indi tanan nga personal nga eksperyensya kag problema sang isa ka tawo dapat himuon nga sulod sang online discussions.
Ginpaghayag man sang aktres ang pila ka social media influencers nga ginagamit ang iya ngalan agud makakuha sang atensyon kag makaganansya.
Madumduman nga nag-agi sa kontrobersiya si Chiu sang nagligad nga mga bulan matapos nga ginpasang-atan niya sang kaso ang iya kaugalingon nga utod may kaangtanan sa alegasyon sang pag-uyang sang kuwarta sang iya kumpanya.
Sa sini nga tion, ginapakita sang aktres nga determinado siya nga proteheran ang iya dungog, privacy kag mga interes batok sa paglapta sang indi matuod nga mga balita.
