Ginkumpirmar ni South Cotabato Governor Reynaldo S. Tamayo Jr. nga napatay sa parte sang Talitay, Maguindanao ang isa sa pito ka mga suspek nga responsable sa motornapping kag pagpang-luthang patay sa dalawa ka indibidwal sa mga Barangay sang Tinongcop kag Maibo sa Tantangan, South Cotabato.
Ginkilala ang suspek nga si Asraf Maido, residente sang Datu Unsay, Maguindanao del Sur. Wala gihan ay sang nasambit nga Gobernador ang pagkapatay sa nasambit nga suspek.
Madumduman nga pito (7) ka mga armado nga kalalakihan ang responsable sa pagkapatay ni Levimar Moderacion, residente sang Brgy. Paraiso, siyudad sang Koronadal, nga ginkwaan pa sang motorsiklo sa Brgy. Tinongcop kag ni Daryl Nuqui, isa ka estudyante kag residente man sang nasambit nga banwa.
Padayon naman ang mga checkpoint nga gina-plastar sang mga kapulisan kag coordination sini sa mga kaiping nga lugar agud madakpan ang mga motornappers.
Dako gyapon ang paglaum sang nasambit nga Gobernador nga madakpan pa ang iban nga kaupdanan ni Maido agud mapanabat ini saila ginhimo nga mga krimen kag matudlo pa IBAN nila nga miyembro.
