Nagpaalinton sa subong si South Cotabato Former 2nd District Representative Cong. Peter Miguel sa tanan nga mga mahilig sa motor kag ride nga maghalong kag sundo gin ang layi sa trapiko agud nga malikawan ang disgrasya sa dalanon.
Sa ekslusibo nga interview sang Bombo Radyo Koronadal kay Cong. Peter Miguel naga kaangay nga may husto nga ihibalo ang tanan sa layi sa kadalanan labi na sa mga luyag nga mag intra sa mga motorcycle endurance ride.
Ginpahayag man sini nga mas maayo nga preparado ang sino man nga mga luyag mag sali sa nasambit nga aktibidad agud nga maamligan man ang iban nga mga motorista nga naga agi sa kadalanan.
Ginpahayag man sini nga masadya kag challenging ang aktibidad parehas sang BOSS Iron Man Cup 2026 bangud naga promote ini sang tourism sa bilog nga Mindanao kag nangin madinalag-on man ini sa subong nga tuig.
Nagpaabot man sang pagpangasubo ang anay Kongresista sa mga nadisgrasya kag napatay tungod sa nasambit nga aktibidad sa diin sentro man sang pagpangbatikos sa subong sa social Media. Kaangot sini, ginatugyan na lamang sini ang imbestigasyon sang mga ahensiya sang gobyerno sa tanan nga mga partisipante nga gina-alegar nga nakabayolar sang layi sa dalanon kag mag imposar sang nagakaangay nga tikang kag pinalidad sa mga ini.
Bilang isa man sa mga partisipante sang nasambit nga BOSS Iron Man Cup 2026 gin-ganyat gid sang anay kongresista ang mga motorcycle riders nga magsunod sa layi sa trapiko kag maghalong sa pag biyahe sa kadalanan
