Nagpahayag sang kabalaka ang University of the Philippines (UP) Broadcasting Association sa paglipat ni Senador Loren Legarda sa bag-o nga Senate majority bloc nga ginapangunahan ni Senate President Alan Peter Cayetano, kun sa diin naeleher man siya bilang Senate President Pro Tempore.
Suno sa grupo, ang madinalag-on nga pagbalhin sang political alignment sang pila ka mga senador nagapakita sang pagbag-o sang political loyalty para sa survival kag convenience, labi na samtang nagapalapit ang impeachment proceedings batok sa ikaduha nga pangulo.
Nagpahayag sila sang kahadlok nga mahimo makaapekto ang sini nga mga pagbag-o sa liderato sang Senado sa dalagan sang impeachment process kag posible nga makapahuyang sa pagpangipatuman sang accountability.
Ginpanawagan man sang grupo si Legarda nga pag-isipan sang maayo ang iya desisyon kag siguruhon nga ang Senado indi mangin lugar sang impunity ukon political bargaining.
