Ginluthang-patay ang anay world champion nga South African nga boksingero nga si Zolani Tete sa gwa sang iya puluy-an sa Mdantsane, Cape Town, South Africa.
Ginpangluthang si Tete sang wala pa makilala nga mga suspek samtang nagasulod ini sa iya balay.
Pilason naman ang iya kaupod, samtang nakapalagyo ang mga suspetsado.
Madumduman nga nangin anay WBO bantamweight kag IBF junior-bantamweight champion si Tete.
Ginauyatan niya ang impresibo nga record nga 29 ka daog kag apat ka kapierde, 22 sa iya mga kadalag-an ang natapos paagi sa knockout.
Nakasambuwan man si Tete sa Pinoy nga boksingero nga si John Riel Casimero sang Nobyembre 2019 para sa WBO 118-pound title sa England, kun sa diin diin napierdi siya ni Casimero.
Samtang, uyat man ni Casimero ang record bilang bugtong nga Pilipino nga boksingero nga nakapierdi kay Tete.
Lakip sa mga Pilipino nga boksingero nga napierdi ni Tete sanday Arthur Villanueva, Rexon Flores, Eduard Penerio, Richard Garcia kag Jether Oliva.
Sa karon, nagapadayon pa ang imbestigasyon sa identity sang suspek kag ang motibo sa krimen.
