Padayon nga gina bulong sa South Cotabato Provincial Hospital ang isa ka senior citizen matapos ini nga ma hit and run sang isa ka naka motor sa National Highway sang Purok. Ilang- Ilang, Barangay. Saravia Koronadal City pasado alas 8 sang aga adlaw sang Sabado, Disyembre 13, 2025.
Ginkilala ang biktima sa kay Elueteria Taburnal, yara sa legal nga pangidaron kag residente sang nasambit nga barangay. Base sa mga nakikita, samtang naga tabok ang biktima sa National Highway hinali ini nga na bungguan sang isa ka naka motor nga rusi kag wala sang plate number.
Pagkatapos sang pag ka bangga, gilayon suno pa nga nagpalagyo ang driver sang motor sa indi matumod nga deriksyon.
Gilayon naman nga gin dangat sa South Cotabato Provincial Hopistal ang biktima bangud sa na angkon sini nga mga pilas sa iya nga lawas kag padayon nga gina tagaan sang medikal nga atensyon.
Sa subong, padayon nga gina tumod sang mga awtoridad kag mga Bpats sang nasambit nga barangay ang driver sang nasambit nga motor nga nag palagyo matapos ang insidente sang pagka bangga sa biktima.
