Suno sa iban “Bawat gising is a blessing!”
Apang para sa magkahagugma nga taga-Brgy. Bega, San Carlos City, Pangasinan, ang ila pinakadaku nga blessing subong nga tuig amo ang ila triplets nga sanday Althea, Altheo, kag Athena.
Nangin daku nga iwag sa puluy-an ang pag-abot sang tatlo ka kabataan bisan nga masobra pa lang isa ka tuig nga nag-updanay ang ila Mama kag Papa.
Ang parents amo sanday Romulo Perez, 61 kag Cecilia Macam, 41. Pareho na sila nga balo sang nagkilalahay sila kag nahulog ang buot sa isa kag isa. Si Romulo ang may pito na ka anak sa iya una nga asawa samtang may anum naman ka kabataan si Cecilia sa iya una nga bana.
Sa pag-abot nanday Althea, Altheo, kag Athena sa ila kabuhi, 16 na subong ang ila mga anak kun ila nga tingubon.
Isa sa mga pagpanghangkat para sa duha amo nga kulang ang ila income para sa triplets bangud pareho lamang sila nga nagahimo sang basket nga human sa kawayan.
Ang ila wish amo nga mapadaku ang triplets nga healthy, mabuot, kag labaw sa tanan, may kahadlok kag pagpalangga sa Ginuo.
