Ginapatawag sang Senate Impeachment Court si Vice President Sara Duterte sa pagbukas sang iya impeachment trial sa Lunes, Hulyo 6, 2026.
Kun indi makadalo ang bise presidente, mahimo nga ang iya legal team ang magrepresentar sa iya sa pagbukas sang hearing.
Base sa imbitasyon nga ginpadala sang impeachment court sang Hulyo 3, ginahangyo si Duterte ukon ang iya mga abogado nga magtambong sa pagbukas sang trial nga pagahiwaton alas-2:00 sang hapon sa Session Hall sang Senado sa Pasay City.
Ginmanduan man ang bise presidente nga magsunod sa tanan nga mga mando, direktiba, kag mga desisyon sang Senado suno sa ginapatuman sang Konstitusyon kag iban pa nga nagapadayon nga mga layi.
Samtang nagpahayag ang legal team ni VP Sara nga handa sila sa pag-atubang sa impeachment trial, wala pa sang kumpirmasyon kon personal gid nga matambong ang bise presidente sa pagbukas sang hearing.
