Senado plano nga imbitahan ang mga opisyal sang military, foreign affairs kag iban pa nga mga talatapan angot sa submersive drone

Plano nga imbitahan sang Senado ang mga opsiyal sang military, foreign affairs, kag iban nga mga talatapan sa imbestigasyon angut sa nakit-an nga submersive drone sa katubigan sang Masbate, ang siling ni Senate Majority Leader Francis Tolentino.

Suno kay Tolentino, na-finalize kag nakatalana niya ipasaka ang Senate resolution para imbestigaran ang six-foot drone nga ginapatihan naghalin sa China.

Ginpaathag man sang senador nga isa ini ka serious concern sa Philippine maritime security.

Mahibaluan nga nakit-an ang submersive drone sa kadagatan sang Masbate, sang tinalikdan nga Huwebes, Enero 2.