Ginapabaskog ni Sen. Risa Hontiveros ang panawagan para sa mas hugot nga accountability sang mga social media platform sa tunga sang nagalala nga isyu sang online child safety.
Ginpahayag niya nga posible ipataw ang subpoena batok sa Facebook kon padayon ini nga indi magtambong sa Senate hearing nga nagasusi sa paggamit sang digital platforms sa child abuse kag exploitation.
Ang imbestigasyon sang Senate Committee on Women, Children, Family Relations, and Gender Equality nagbutyag sang makahaladlok nga trend, lakip na ang ginahimo nga “grooming” sa sulod sang mga online communities suno sa Deep Web Konek.
Samtang, ginpabutyag man sang Philippine National Police nga may pila ka platform nga naga-impluwensya sa kabataan pakadto sa bayolente nga binuhatan.
Sa sini nga sitwasyon, ginapahayag nga indi na lamang ini isyu sang teknolohiya kundi isa na ka seryoso nga hulga sa kaayuhan kag kaluwasan sang kabataan, nga nagakinahanglan sang mas istrikto nga pagpanubag kag koordinasyon halin sa gobyerno kag pribado nga sektor.
