Ginpasang-at sang US Department of Justice (DOJ) ang kaso batok sa tatlo ka indibidwal nga gin-akusaran nga nagaplano sang serye sang terorista nga pag-atake sa United States kag Europa, lakip ang ginplano nga pagpamomba sa isa ka air force base sa United Kingdom.
Ginpasang-atan sang kaso amo sanday Mohsen Mohajeri, Mohammad Ali al-Hassani kag Mohammad Baqer Saad Dawood al-Saadi, nga ginatudlo nga may kaangtanan sa grupo nga Harakat Ashab al-Yamin al-Islamiya.
Suno sa imbestigasyon, ginplano sang grupo ang paggamit sang mga van nga may sulod nga gatong kag kemikal agud targeton ang RAF Fairford base sang United Kingdom sang Setyembre 2026.
Ginpahayag man nga ang isa sa mga suspek nagagamit sang mga naka-encrypt nga mensahe halin sa prisohan sa New York, samtang ang duha pa yara sa Iran.
Apang, ginpanginwala sang embahada sang Iran ang mga alegasyon kag gintawag ini nga wala sang basehan.
Samtang, nag-arestar naman ang mga awtoridad sa United Kingdom sang pito ka indibidwal may kaangtanan sa ginapatihan nga plano.
Suno kay FBI Director Kash Patel, nagapakita ang kaso sang padayon nga pamahog sang terorismo sa Amerika kag Europa.
