Ginkasuhan si singer-actress Selena Gomez, iya iloy nga si Mandy Teefey, kag anay business partner nga si Daniella Pierson may kaangtanan sa Wondermind, mental health startup nga ila gintukod sang 2021.
Suno sa report, nagpasaka sang kaso ang mga investors nga nag-invest sang halos $1.2 milyon ukon P73.7 milyon, nga nagaalegar nga gin-mislead sila bahin sa negosyo kag pinansyal nga kahimtangan sang kumpanya.
Gin-angkon sang investors nga wala natuman ang pila ka ginpromisa, lakip ang aktibo nga pagpartisipar ni Gomez bilang head of marketing kag pagdevelop sang mobile application.
Gin-akusaran man nila si Pierson sang securities fraud kag paggamit suno pa sang investor funds para sa personal nga mga kinahanglanon.
Ginpangayo sang mga investors ang pagbalik sang ila gin-invest nga kwarta kag legal fees.
Samtang, ginpanginwala ni Pierson ang mga alegasyon kag nagpahayag nga wala niya gin-gamit ang investor funds para sa personal nga gastos.
