Ginpahayag sang Sandiganbayan nga submitted for resolution na ang hingyo sang Office of the Ombudsman para sa precautionary hold departure order batok kay Senador Rodante Marcoleta, anay Quezon City Rep. Michael Defensor, kag duha ka negosyante kaangot sa kuno indi pagdeklarar sang P75 milyon nga campaign donations.
Suno sa Ombudsman, may posibilidad kuno nga magbiya sa pungsod si Marcoleta bangud sa iya impluwensiya kag ikasarang pinansyal.
Ginpamilit pa sini, ang indi kuno pagbutang sang P75 milyon sa iya Statement of Assets, Liabilities and Net Worth (SALN) nagapakita sang “tendency to conceal illegality.”
Dugang sang mga imbestigador, separado ang ila imbestigasyon sa nangin desisyon sang Commission on Elections (Comelec), nga nauna nga nagtinlo kay Marcoleta sa election offenses apang nagrekomendar sang reklamo batok sa kuno mga donors.
Sa karon, yara na sa idalom sang preliminary investigation ang kaso, kag ginhatagan ang mga respondent sang 15 ka adlaw para magsumiter sang ila counter-affidavits.
