-- ADVERTISEMENT --

Nagaplano ang lima ka pungsod sa European Union (EU) nga magbukas sang deportation center sa Rwanda sa masunod nga tuig bilang bahin sang ila bag-o nga pamaagi sa pagdumala sang mga migrant nga kinahanglan papulion sa ila tagsa ka pungsod.

Suno sa mga gobyerno sang Netherlands kag Denmark, lakip sa mga nagasuporta sa plano ang Germany, Denmark, Austria, Greece kag Netherlands.

Ginalauman nga sa 2027 sugdan sang amo nga mga pungsod ang pagpadala sang mga migrant nga iligal nga nagapabilin sa ila teritoryo kag wala na sang legal nga basehan agud mag-estar didto.

Samtang, nagapanagtag na sang alternatibo ang gobyerno sang Netherlands para sa mga deportee nga indi makabalik sa ila tagsa ka pungsod.

Lakip sa mga posibilidad ang pagpuyo nila sa Rwanda ukon boluntaryo nga pagbalik sa ila pungsod nga ginhalinan.

Ginpahayag sang lima ka pungsod nga ang ila plano nagasunod sa mga probisyon sang balaod sang European Union kag internasyonal nga kasuguan.

Apang ginapahayag sang mga human rights organization ang ila pagsupak sa amo nga polisiya bangod suno sa ila, mahimo ini maglapas sa mga kinamatarong sang mga migrant kag magbutang sa ila sa peligro sa tion sang pagbalhin sa iban nga pungsod.