Ginkakibot sang Barangay Kapitan sang Bukay Pait,Tantangan South Cotabato nga nakabaton siya sang mass resignation sang mga walo Sk council . Sa interview sang Bombo Radyo Koronadal kay Punong Barangay Bukay Pait Pedro R. Rufino Jr. Ginapahayag sini nga iya ginkakibot bangud gulpi lang siya nakabaton sang papel angut sa resignation letter sang mga Sk members, apang gin derekta addressed ang papel sa kay Municipal Mayor. Timme Gonzales sa Banwa sang Tantangan nga kuntani siya ang una nga ma addressed base sa pagsunod sa tama nga proseso.
Dugang pa niya kung na diretso lang sa iya na addressed ang papel magapatigayon siya sang session agud mahibaluan ang madalom nga rason sang mga Sk members. Samtang, sa paglantaw naman ni Kapitan Rufino nga wala man sang problema sa relasyon sang mga Barangay Council kag mga Sk Council nga posible rason sang ila pag halin.
Nagpaathag man si Kapitan Rufino sa mga sk memembers nga nag nagpanaog sa ila posisyon nga kung indi man lang tani interesado sa mga posisyon nga ila gin sumpaan, dapat wala nalang nag papili sang makaligad nga elesksyon.
