Nagpanawagan ang isa ka residente sang Koronadal nga magpokus na lamang ang kasamtangan nga administrasyon sa paghatag sang bulig kag serbisyo sa mga pumuluyo, ilabi na sa mga imol, kag indi lang magpokus sa pahatag sang ayuda nga ginakabig niya is alang ka “band-aid solution.”
Ini ang pahayag ni Lakay, residente kag traysikol driver sa syudad sang Koronadal, sa interview sang Bombo Radyo Koronadal.
Suno kay Lakay, may kaangtanan sa bag-o nga liderato sang Senado kag ang posible nga epekto sini sa impeachment case ni Bise Presidente Sara Duterte.
Suno kay Lakay, mas importante nga tutukan sang gobyerno ang mga isyu nga direkta nga nagaapekto sa katawhan, ilabi na ang bag-o lang nga nag-igo nga magnitude 7.8 nga pagtay-og sa Mindanao.
Ginpahayag man niya nga gin-agaw lang sang anay minority ang posisyon sa majority sa idalom sang pagpamuno ni anay Senate President Alan Peter Cayetano.
Bangud sini, ginpabutyag ni Lakay ang pagkadismaya sa pang gobyerno sang mga pulitiko sa kasamtangan bangud sa mga kinagamo kag indi pagintindihanay sa tunga sang mga mamalidha kag senador.
Nagpanawagan siya kay Presidente Ferdinand Marcos Jr. nga hatagan sang prayoridad ang pagpanubo sang presyo sang baraklon kag presyo sang gatong bangud ini ang mas kinahanglan sang pumuluyo sa baylo nga magpokus sa mga personal nga interes.
