KORONADAL CITY – Dead on the spot ang isa ka securty guard matapos nga nag pamusil sang isa ka pulis sa sulod sang isa ka bus alas 2:30 sang kaagahon subong nga Sabado, Disyembre 28, 2024 sa bahin sang Barangay Batasan, Makilala, Cotabato.
Ini ginkumpirar ni PltCol James Warren Caang, ang spokesperson sang Cotabato PNP.
Ginkilala ni Caang, ang biktima nga si Reynaldo Bigno Jr., security guard sang Toril, residente sang Sitio Flortam, Batasan, Makilala, Cotabato.
Nahibaluan nga pagkatapos sang pagpangluthang, ginsilingan sang suspek nga si PCpl. Alfred Dawatan Sabas, nga nakadestino sa Police Station 7 sa Gensan, nga ipadayon ang pagbyahe.
Suno saiya, sang nag-abot ini sa bahin sang border checkpoint sang 1104th RMFB 11 sa bahin sang Kinuskusan, Bansalan, Davao del Sur, ginmanduan sang suspek and driver sang bus nga mangayo sang bulig.
Apang, kuntani mangayo sang bulig, gin pangpamusil naman ni Cpl. Sabas ang mga pulisya sa checkpoint.
Gindala naman sa balay bululngan ang mga pilason nga 2 ka kapulisan amo sanday PCpl Keneth Maurith Ramos kag PCL Russel Love Tapia nga sa karon nagapaayo na.
Suno sa inisyal nga imbestigasyon, kaupod ni Cpl. Sabas ang iya ka livein partner apang gintukar ini sang iya anxiety kag nakainom man sang makahululubog nga ilimnon ang nasambit nga suspek amo rason nga wala ini sa tama nga pag iisip kag nag luntad sang pagpamusil sang suspek sa isa ka pasahero.
Sa karon, yara na sa kustodiya ang nasambit nga pulis ilang suspek para sa mas madalom nga imbestigasyon kag disposasyon sa kaso nga ipasaka batok saiya.
Ginpahayag naman sang opisyal nga hindi magkabalaka ang mga sibilyan kag padayon ang igatahag nga maayo nga serbisyo sang mga kapulisan.
