Presyo sang baboy sa palengke, dapat mas manubo sang P20 kaysa sa MSRP sang DA

Gin-insistir sang Samahang Industriya sang Agrikultura (SINAG) nga sobra ang presyo sang karne sang baboy sa mga palengke kumpara sa ginset nga maximum suggested retail price (MSRP) sang Department of Agriculture (DA).

Suno kay Jayson Cainglet, executive director sang SINAG, ang farmgate price sang baboy ara lang sa P180 kada kilo, gani dapat mas nubo sang P20 ang presyo sa merkado. Natingala ang grupo sa pahayag sang DA nga mahimo pa magtaas sang P1 tubtob P5 kada kilo ang presyo sang baboy, bisan wala man kakulang sa supply.

Ginpahayag pa sang SINAG, indi ang mga manug baboy ukon ang retail sector ang rason sang mataas nga presyo, kundi may iban pa nga mga rason nga nagapadugang sang kantidad.