Ginkumpirmar sang Malacañang nga nagapangayo sang pahanugot si Vice President Sara Duterte sa Office of the President para sa iya biyahe sa lima ka mga pungsod halin Abril 23 tubtob Mayo 15.
Suno kay Executive Secretary Ralph Recto, nagapangayo si Duterte sang travel authority agud magbyahe sa Netherlands, South Korea, Belgium, Germany, kag United Kingdom of Great Britain and Northern Ireland sa nasambit nga mga petsa.
Ginkumpirma man ni Recto nga nagpagwa ang Office of the President sang dokumento nga may petsa Abril 22 nga naga-aprubar sa hingyo nga travel authority sang Bise Presidente.
Base sa dokumento, ginapahanugutan ang biyahe samtang naka-leave of absence ang Bise Presidente kag wala sang gasto sa gobyerno.
Gin-islan sini ang bisan ano nga nauna nga travel authority nga nagalakip sa kasubong nga destinasyon sa sulod sang aprubado nga panahon.
Sa karon, wala pa ginapaguwa sang Malacañang ang kopya sang nasambit nga dokumento.
