-- ADVERTISEMENT --
KORONADAL CITY – Wala na sang kabuhi sang nasapwan ang isa ka preso sa sulod sang selda sini sa Koronadal District Jail diri sa siyudad sang Koronadal.
Ginkilal ini kay Rex Servilla Araujo, 33-anyos, soltero kag residente sang Purok Alegria, Barangay Morales, Koronadal City nga may kaso nga paglapas sa illegal nga droga ukon RA 9165.
Sandig sa blotter report sang Koronadal PNP, natukiban na lamang sang mga jail guards kag inmates nga wala na nagaginhawa si Araujo gani gindangat ini sa South Cotabato Provincial Hospital.
Apang sa pag-abot sini sa hospital gindeklarar ini nga dead on arrival sang attending physician.
Sa karon, ginahibalo pa kun ano ang gintunaan sang kamatayon sang nasambit nga preso.
