KORONADAL CITY- Aminado ang hepe sang Datu Hoffer nga may yara sang presensya sang mga terorista nga grupo sa ila naman nga area.
Sa interbyu sang Bombo Radyo Koronadal, kay Plt. Albert G. Pansoy Jr. ang hepe ng Datu Hoffer, Maguindanao.
Suno sa iya, indi niya madeny nga tubtub sa karon yara sa gihapon ang presensya sang mga terorista nga kung sa diin nagahimo sang pipila ka mga pagpamahog sa ila lugar, kasubong na lamang sang bag o nga pagpang-ambush nga ginkapatay sang apat ka mga sundalo nga ginapatihan nga isa ini ka pagpatimalos sang mga LTG’s.
Apang gina awhag karon sang opisyal ang publiko nga suportahan ang kapulisan kag kasuldaduhan batok sa mga malain kag wala sang prinsipyo nga aktibidad sang mga terorista.
Dugang pa sini, ang kapulisan sang Datu Hoffer ang magapabilin nga protehiran ang nasakupan agud nga mas maangkon ang katawhayan kag kalinong sa lugar.
Panawagan man sini nga mas mangin vigilante kag gilayon nga maghatag impormasyon kung may yara man sang nahibaluan batok sa mga armado nga grupo.
