KORONADAL CITY- Nagpasalamat ang himata sang 1 sa 12 crew members sang MV Glarus nga ginkidnap sang mga pirata sa Nigeria makaligad tigayonn na ang mga ini nga ginhilway.
Sa ekslusibo nga interbyu sang Bombo Radyo Koronadal kay Mr. Nilo Puada, amay sang isa sa mga seafarers nga ginkidnap, una suno pa nga indi sila makapati sang nagpanawag ang bata nila nga si Gideon Puada, 28 anyos kag ginpahibalo sila nga yara na ini sa luwas nga kahimtangan lakip na ang 6 nka mga pinoy kag 5 ka mga dumuluong nga mga kaupdanan sini.
Nahibaluan man nga Oktubre 26, 2018 pa ang mga ini ginhilway sang mga pirata makaligad suno pa nga magbayad sang ransom money ang Massoel Shipping kag gilayon na gindala ang mga seafarers sa Switzerland agud ipasiguro ang ila kondisyon.
Sa pihak nga bahin, suno naman kay Mr. Nilo Puada, pagarespetuhon nila ang desisyon sang ila nga bata nga si Gideon kun igapadayon pa sini ang pagsakay sa barko sa pihak sang mga naaguman sini sa kamot sang mga pirata.
Kun madumduman nga 12 crew members sang Swiss merchant vessel nga MV Glarus ang ginkidnap sang mga pirata sang Setyembre sa Southern Niger Delta Region samtang nakaluwas naman ang 7 ka iban pa.
