Ginpahayag sang Department of Tourism (DOT) nga aktibo na sila nga nagapakig-angot sa BINI agud mangin tourism ambassadors sang Pilipinas.
Suno kay Dita Angara-Mathay kabahin sang ila pakig-angot sa BINI ang pagkilala sa maayo nga pagrepresentar sang grupo sa global stage sang Abril.
Kabahin man sang pagkilala si Sophia Laforteza, nga isa ka Pinay nga miyembro sang international girl group nga KATSEYE.
Madumduman nga ginpasidunggan man sang DOT ang BINI tungod nga sila ang una nga Filipino act nga nagperform sa Coachella.
Nauna naman nga gin-aprubahan sang Kamara ang House Resolution No. 93 nga nagakilala sa BINI bilang “Nation’s Girl Group,” samtang ang Senate of the Philippines man ang pagpasa sang kasubong nga resolusyon bilang pagpasidungog sa grupo.
Ginabug-usan ang grupo sang mga miyembro nga sanday Aiah, Colet, Maloi, Gwen, Stacey, Mikha, Jhoanna, kag Sheena. Gintanyag nila ang pila sa ila mga sikat nga kanta pareho sang Pantropiko kag Salamin, Salamin sa isa sa pinakamadako nga music festival sa kalibutan.
Sa karon, wala pa sang sabat ang BINI sa panawagan sang DOT bangud masako pa sila sa preparasyon para sa SIGNALS World Tour 2026.
