Paga-atubangon ni Filipino tennis ace Alex Eala ang Czech Republic tennis star nga si Karolína Muchová subong alas-11 sang gab-i (March 23) sa hampang para sa quarterfinals sang nagapadayon nga Miami Open.
Kasubong nga nakalusot sa Round of 16 ang duha matapos ang impresibo nga mga kadalag-an sa Round of 64 kag Round of 32.
Mas mataas ang WTA ranking ni Muchová bilang No. 27, samtang si Eala naman ang yara sa No. 29.
Uyat man ni Muchová ang bentahe sa experience sa edad nga 29, nga nakab-ot na ang isa ka singles title kag nakaabot sa iya career high nga World No. 8.
Nakalab-ot man siya sa Wimbledon semifinals sang 2023, tuig sang iya career high.
Para kay Eala, ini na ang ikaduha nga tion nga maghampang sa Miami Open, nga sang nakaligad nga tuig nakaabot siya sa semifinals.
