Liwat magapasaka ang Pilipinas sang diplomatic actions batok sa China tungod sang pinakaulihi nga pagpangharas sang ila mga barko sa West Philippine Sea.
Suno sa National Maritime Council, ang bag-o nga agresyon sang China batuk sa mga barko sang Pilipinas grabe gid nga kabalaka.
Ang paghimo sang sini nga tikang sang pungsod amo ang pagsiguro sang kaluwasan kag epektibo nga pagpatigayon sang maritime operations sa rehiyon.
Nauna na nga nareport ang bag-o nga pagpangharas sang China Coast Guard sa BRP Datu Sanday kag BRP Datu Pagbuaya sang Bureau of Fisheries and Aquatic Resources.
Ini nga hitabo natabo samtang nagahimo sang research ang mga barko sang Pilipinas sa Sandy Cay 2 sa Pag-asa Island.
Pahayag sang National Maritime Council, ang tikang sang CCG seryoso nga hulbot sa soberanya sang Pilipinas kag paglapas sa international nga layi.
