KORONADAL CITY – May natumod na nga mga persons of interest ang kapulisan nga ginatudlo responsable sa pagpatay sa OFW nga nasapwan sa Sitio Cabuling, Barangay Saravia, Koronadal City.
Ini ang ginpahayag ni Police Lt. Col. Amor Somine, hepe sang Koronadal City PNP sa interview sang Bombo Radyo Koronadal.
![](https://img.bomboradyo.com/koronadal/2022/09/OFW.jpg)
Apang, nagpamalibad anay ang opisyal nga ihatag ang identity sang mga prime suspects.
Suno kay Somine, nakuhaan na nila sang statement ang pamilya sang biktima nga si Marelou Adonis Occena, 46-anyos kag residente sang Pigcawayan, North Cotabato rason nga nangin mas maathag ang dalagan sang imbestigasyon.
Kalakip sa ginatutukan ang kaangtanan sang duha ka lalaki nga nakuhaan sang CCTV footage.
Ginaklaro pa man kun kakilala ukon indi sang biktima ang mga ini.
![](https://img.bomboradyo.com/koronadal/2022/09/ofw-1.jpg)
Dako naman ang pagpati sang pamilya sang biktima nga kwarta ang tinutuyo sang mga suspek sa pagpatay sa iya.
Nahibaluan nga ang biktima angg bag-o lamang nakapauli sa pungsod gikan sa Saudi Arabia.
Gindala naman sang pamilya ang biktima sa ila nga puluy-an sa Pigcawayan, North Cotabato.