Ginkilala sang Malacañang ang katuyuan sang total cellphone ban sa mga eskwelahan apang dapat nga usisaon kon makatarungan ang penalidad nga kumpiskaron ang cellphone sang mga magalapas tubtob sa matapos ang school year.
Suno kay Palace Press Officer Claire Castro, wala pa sang pinal nga posisyon ang Malacañang sa hagna nga ipatuman ang nationwide cellphone ban bangud ginahulat pa ang rekomendasyon ni Education Secretary Sonny Angara.
Pahayag ni Castro, bisan may mga pribado nga eskwelahan nga nagadumili sa paggamit sang cellphone samtang may klase, ginapahanugutan gihapon ini kon may emergency.
Ini ang ginsiling sang Palasyo kasunod sang direktiba ni Dumanjug, Cebu Mayor Efren Gica nga kumpiskaron ang cellphone sang mga estudyante nga magalapas sa polisa kag ibalik lang antes matapos ang school year.
Suno sa alkalde, katuyuan sang ini nga tikang ang paggamit sang gadgets agod mas makapokus ang mga estudyante sa pagtuon kag mas maka-socialize sa ila mga classmates.
