Paolo, proud sa “Adobash” nga ginhatag sang rumored gf nga si Yen

Ginalauman na ni Paolo Contis nga ma-bash lakip na ang rumored girlfriend nga si Yen Santos, bangud sa iya Facebook post sa balon nga lunch nga kan-on kag adobo.

Ginpost sang aktor ang iya balon nga luto ni Santos sa studio sang ginasalidahan nga television variety show nga All-Out Sundays.

Sa caption sang aktor, ginpalayag sini nga manamit ang adobo nga mahimu may libre nga bashing kalakip ang laugh emoji kag #Adobash kadungan sa pagpasalamat kay ‘babikwooh.’

Wala naman nag-respond si Santos sa post ni Contis, apang obvious nga ang aktres ang ginatumod nga “babikwooh” sang aktor.

Nauna na nga may ginpost si Contis nga laragway samtang nagakaon sang kaldereta nga ginpadala ni Santos, apang ini ang deleted na.