KORONADAL CITY – Apesar nga nadakpan na ang suspek sa makangilidlis nga masaker nga natabo sa banwa sang Banga, South Cotabato nga ginkapatay sang tatlo ka tawo, wala sa gihapon nagatahaw ang pagpanalambiton nga nabatyagan sang mga himata sang mga biktima.
Emosyonal nga ginpahayag sa Bombo Radyo Koronadal ni Belen Villan, manghod sang massacre victim nga si Zeleny Magno, apesar ginbaton nila ang suspek nga si Gido Chemery Blatang alyas Paul Bautista sa ila pamilya humalin sang ginpakaslan sini si Monlene Magno-Bautista, indi suno pa nila mabatas ang suno pa pagkadamak sini kag pagkatig-a sang ulo gani indi suno pa malikawan nga makabuya sila sang masakit nga mga tinaga sa iya agud matudloan ini sang leksyon.
Apang sa baylo nga magtuman, nagapangakig pa ini sa iya.
Para sa iya, luyag niya nga masilotan si Bautista sa iya nga ginhimo tubtob sa mautasan ini sang kabuhi.
Indi suno pa nila basta mapasaylo ang suspek sa iya ginhimo bangud luyag niya nga mag-antos ini kasubong sang ginhimo niya sa iya kaugalingon nga mga himata.
Nagpasalamat naman ini sa tanan nga mga nagbulig sa ila mangin man kay Mayor Albert Palencia nga nagpas-an sa medical kag burial assistance sang pamilya.
