Padayon nga ginaisytoryahan sa karon ang pagsalom ang alkalde sang Paris nga si Mayor Anne Hidalgo sa Seine River agud ipakita nga matinlo ang tubig sa swimming competition sa 2024 Olympics.
Ini ang nangin pahayag ni Ms.Chrinestte Collado, Bombo Correspondent to France sa interview sang Bombo Radyo Koronadal.
Suno pa sa iya,nagsoksok siya sang wetsuit kag goggles kag nagsalom malait sa City Hall.
Kaupod ni Hidalgo si Tony Estanguet, chief sang Paris 2024, kag si Marc Guillaume, ang top government official sang Paris region.
Sila ang naglangoy sa 100 metros nga distansya.
Ang Seine mag-host sang pila ka open water swimming events sa Games lakip na ang marathon swimming kag ang swimming legs sang Olympic kag Paralympic triathlons.
Samtang , Nahibaluan nga may ginpatindog man nga temporary sports stadiums sa mga landmarks kaangay sang Eiffel Tower, Invalides, kag Place de la Concorde.
Ang bag-o nga Olympic VIP lanes ang nag-contribute man sa traffic congestion.
Ginabanta nga 6,000-7,000 ka mga athletes ang magalayag sa River Seine sa kapin 100 barges kag boats sa tion sang seremonya.
Bangud nga ang mga delegasyon sang mga pungsod ang magaparada sakay sa mga barges kag boats, ang mga spectators ang maga-occupy sa 37 ka mga taytay agud i-welcome ang mga atleta.
