Ginmanduan sang Philippine National Police (PNP) ang mga lokal nga pulis nga magbulig sa nationwide active shooter drills sang Department of Education (DepEd) kasunod sang pagpangluthang sa isa ka buluthuan sa Tacloban City.
Suno kay Education Secretary Sonny Angara, tuyo sang mga drill nga tudluan ang mga estudyante kag school personnel kon paano maghulag pananglitan nga may yara sang aktibo nga pagpangluthang sa sulod sang eskwelahan kag magtalana sang maathag nga emergency protocols.
Ginsiling ni PNP Chief Gen. Jose Melencio Nartatez Jr. nga makabulig ang programa agud mangin handa ang mga estudyante sa oras sang peligro kag mapabaskog ang ila salig sa mga otoridad.
Dugang pa niya, igapadayon sang PNP ang school patrols, suporta sa anti-bullying programs, kag pagpakig-angot sa mga buluthuan para sa posible nga pagbutang sang mga pulis kada flag ceremony.
Samtang, ginmanduan man sang Department of the Interior and Local Government (DILG) ang mga lokal nga gobyerno nga magtukod sang Safer School Zones paagi sa pag-deploy sang mga barangay tanod agud mapabaskog ang seguridad sa sulod kag palibot sang mga buluthuan.
