Ginpahayag ni Roy Vincent Trinidad, tagpamaba sang Armed Forces of the Philippines (AFP) para sa West Philippine Sea (WPS), nga ang pagsaka sang presensya sang Chinese Communist Party sa lugar indi konektado sa nagapadayon nga armadong kagamo sa Middle East.
Suno kay Trinidad, sang nagligad nga semana, nakaabot sa 34 ka mga barko sang China ang namataan sa WPS—mas mataas kumpara sa 21 ka barko sang nagligad nga duha ka semana sang Pebrero.
Bisan pa sini, ginpasiguro niya nga wala sang plano nga magbuhin sang mga military exercises sang AFP, lakip na ang mga bilateral activities upod sa United States bilang kaalyado sang Pilipinas.
Ginreport man nga ginapaabot ang indi magnubo sa 500 ka mga aktibidad sa idalom sang Mutual Defense Board-Security Exchange Board, nga nagapakita sang padayon nga pag-monitor kag pagpabakod sang depensa sang Pilipinas sa WPS sa tunga sang global tensions.
