KORONADAL CITY – Naglab-ot sa P2.4M nga kantidad sang marijuana ang ginbunot kag ginsunog sang mga otoridad sa banwa sang Tampakan, South Cotabato.
Suno kay Police Col. Nathaniel Villegas, provincial director sang South Cotabato, yara sa 12,000 nga fully grown marijuana ang nabunot sa nadiskubrihan nga plantasyon sa Sitio Tukaymal, Barangay Tablu sa nasambit nga banwa.
Ginpatigayon ang operasyon sang gintingob nga pwersa sang kapulisan kag PDEA kun diin na natukiban ang nasambit nga malapad nga plantasyon bangud sa report sang mga residente sa lugar.
Sa subong, ginahibalo pa kun sin-o ang nagapanag-iya sang nasambit nga plantasyon.
Madumduman nga makapila ka beses man nga nakabunot sang mga marijuana sa nabukid nga bahin sang nasambit nga lugar.
