Naglab-ot sa masobra P1.3 milyon ang ablor sang smuggled cigarettes ang narekober sang mga otoridad pinaagi sa PNP checkpoint sa bahin sang Purok Kaunlaran, Barangay Tinumigues, Lambayong, Sultan Kudarat, Disyembre 8, 2024.
Ginbalabagan ang dalawa ka yunit sang Mini Van sa nasambit nga lugar sang mga ahensya sang alas-3 sang hapon samtang nagalunsar sang checkpoint kaupod ang Lambayong MPS, Sultan Kudarat Police Provincial Office, Regional Special Operations Group 12 at 1202nd Maneuver Company ng Regional Mobile Force Battalion 12.
Ginkilala ni Police Captain Jayson D Cepeda, Officer-In-Charge ng Lambayong Municipal Police Station ang mga suspek nga si Alyas “Nasrola” 31 anyos kag ni Alyas ” Samsung”, 33 anyos nga pawang mga residente sang Brgy. New Cebu, Lambayong, Sultan Kudarat.
Wala man ini sang mga legal nga mga dokumento amo rason nga gin areso ang mga ini kag gin kumpiskar ang mga dala nga kargamento.
Nahibal-an nga kada salakyan may yara sang 30 nga karton sang New Berlin Cigarettes nga may yara sang unod nga 50 ream kada karton.
Sa kabug-usan may yara sa di mag kulang 60 nga mga karton nga may yara sang unod nga 3,000 reams sang New Berlin Cigarettes nga nagabalor sang Php 1,320,000 ang mga nakuha sang mga otoridad.
Ginpasiguro man sa karon sang Sultan Kudarat PNP nga mas pabaskugon nila ang ila kampanya batok sa nagkalain-lain nga klase sang kriminalidad.
