KORONADAL CITY- Nagapangayo sang bulig pinaagi sa Bombo Radyo Koronadal ang pamilya sang isa ka Overseas Filipino Worker sa Saudi Arabia nga ginakabalak-an nga yara sa kritikal nga kondisyon makaligad suno pa nga gintapungol sang iya mga amo.
Sa interbyu sang Bombo Radyo Koronadal kay Gng. Mary Sabang, nakabaton suno pa sila sang impormasyon kag mga laragway halin sa Riyadh, Saudi Arabia nga naka confine sa isa ka ospital ang himata nila nga si Neressa Bandiok, 27 anyos nga taga-Sitio Salkan, Brgy. Paraisyo siyudad sang Koronadal kag ginasiling nga indi na makahambal bangud sa naangkon nga malala nga fractures.
Nagakabalaka ang mga ini bangud sa ulihi nila nga pag-istorya kay Neressa nagakabalaka na ini sa iya kabuhi bangud sa pagtapungol sang mga amo kag wala man ginahatagan sang sweldo sa sulod na sang masobra 4 ka bulan.
Samtang sa pihak nga bahin, wala pa sang sabat ang local agency sang nasambit nga OFW nga nakabase sa General Santos City rason nga nagpabulig na sila sa Bombo agud mahibaloan ang matuod nga kahimtangan sa ng ila himata.
