Naghatag liwat sang pahayag si Israeli Prime Minister Benjamin Netanyahu batok kay UK Prime Minister Sir Keir Starmer, French President Emmanuel Macron, kag Canadian Prime Minister Mark Carney.
Gin-akusahan niya ang mga lider nga ini nga nagsuporta sa Hamas matapos nila kritisaron ang mga aksyon sang Israel sa Gaza.
Suno kay Netanyahu, ang mga lider sang Britain, France, kag Canada nagatangkilik sa “mass murderers, rapists, baby killers, and kidnappers” nga sakop sang Hamas.
Nag-umpisa ang pahayag ni Netanyahu sa mga komento nila nga ginpanindugan nga ang operasyon sang Israel sa Gaza “disproportionate” kag nagadulong sang “intolerable” nga humanitarian crisis.
Samtang, wala pa direkta nga nagbaton ang Downing Street sa mga akusasyon, apang gina-punto nila ang nauna nga pahayag ni Sir Keir Starmer nga ginpahayag ang pagtuligsa sa antisemitism kag ang mga atake sa Washington DC.
Mahibaluan nga ang away nagsugod tungod sa padayon nga sigalot sa Gaza, kun sa diin ginatarget nga masobra 53,000 ka tawo na, lakip ang mga kabataan, ang napatay halin sang Oktubre 2023.
