-- ADVERTISEMENT --
Pilason ang 16 ka mga indibdiwal matapos ang pagpangluthang sa isa ka vocational high school sa Siverek, Şanlıurfa Province sa Turkey, suno sa mga report sang lokal nga media kag pahayag sang mga otoridad.
Ang suspek nga isa ka 18-anyos nga lalaki nagbukas sang pagpaniro usar ang shotgun sulod sang buluthuan, nga nakaigo sa mga 10 estudyante, 4 ka mga manunudlo, 1 ka empleyado sang canteen, kag isa ka pulis nga nagresponder sa insidente.
Suno sa mga imbestigador, matapos ang pagpaniro nagtago ang suspek sa sulod sang edipisyo antes niya ginhimo ang pagpagluthang sa iya kaugalingon.
Sa karon padayon ang imbestigasyon sang mga otoridad sa Turkey sa motibo sang suspek, samtang, padayon man nga nagpaayo sa balay-bululngan ang mga biktima.
